CERITA RAKYAT KARO " DUNDA KATEKUTAN "
BAGIAN - 4
E mulih si diberu ku rumah, i semburina ringring nandena, enggo
nandena megegeh.
“ija nge jumpa guru ndai melaga mesinting ame! Lebe ku akap kam
seh ndai kubas peken-peken ninindu Datuk Rumbiya Gande, enggo kam seh ku rumah”
nina nande. “Lebe tuhu nande, lit aku ndai jumpa jelma, la iya ruwis, la iya
erbulang, la iya erbaju, erkampil pe lang, erpiso pe lang, kutukas kalak adon,
lompat nge ndia ateku la nai ndai terlompatken aku, em si mereken tambar e
nande!” nina anak diberu.
“Di bage kepe ame, legilah ku rumah, bana kam la ertukur-tukur.
Baba uwis e, baba bajuna, baba bulangna, baba pisona, baba kampilna”, nina
nande. E legina, jumpa iya. “ku rumah nina nande mama” nina anak diberu.
“Kuga ningku ku rumah bibi, di kalak la erkampil nge, di la erpiso, di la erbulang, di la erbaju. Lit nge kalak man nehenen. Enda ergonje pe aku lang, kutera ningku niyar kesain?” nina anak dilaki.
“Ku baba cabinndu, ku baba nge kampilndu, kubaba pisondu”, nina anak diberu.
“Kuga ningku ku rumah bibi, di kalak la erkampil nge, di la erpiso, di la erbulang, di la erbaju. Lit nge kalak man nehenen. Enda ergonje pe aku lang, kutera ningku niyar kesain?” nina anak dilaki.
“Ku baba cabinndu, ku baba nge kampilndu, kubaba pisondu”, nina anak diberu.
E ku rumah me anak raja tuding si nu Purba.
Seh i rumah i pepukulna
E seh me empat bulan, e jelma si begu ndube si ngiyan-ngiyani kayu
tengolan ndube, tregelar siberu Tiyang Manik. “Ah” i dahina ninina Datuk
Rumbiya Gande. “Nini!” nina. “Kai ame?” nina nini.
“Kai deba bulawan jelma manusiya?” nina siberu Tiyang Manik.
“Pegaga tubing, sanga-sanga tubang, sanggar sengawan man papun, padang man uwaken, tabu-tabu man usahen. Enggo, man kadendu ame jelma manusiya?” nina nini.
“Ndekah me kempundu nini! La nai reh ku bena kayu tenggolan” nina siberu Tiyang Manik
“Di em kepe ame! Kapurilah belo salungsung pitu ngkebabah,maka ku suruh i embahken kuliki mangki-angki” nina nini.
“Kai deba bulawan jelma manusiya?” nina siberu Tiyang Manik.
“Pegaga tubing, sanga-sanga tubang, sanggar sengawan man papun, padang man uwaken, tabu-tabu man usahen. Enggo, man kadendu ame jelma manusiya?” nina nini.
“Ndekah me kempundu nini! La nai reh ku bena kayu tenggolan” nina siberu Tiyang Manik
“Di em kepe ame! Kapurilah belo salungsung pitu ngkebabah,maka ku suruh i embahken kuliki mangki-angki” nina nini.
E dung belo pitu ngkebabah, belo salungsung, i suruhna i embahken
kuliki si mangki-angki. E kabang kuliki ku sahaluren, cinep kuliki i datas
tanduk. E ndarat me anak raja sahaluren, i benterna kuliki si mangki-anggki,
ndabuh kuliki ku teruh, salih jadi kucing siyam, kiyam kucing ku rumah. E adi
kundul raja i deges-degesna, di medem raja, i kuwitina.
“Adi bagenda kucing labo esah erkucing” nate raja.
i pekpek raja kucing siyam, salih jadi biyang.
i pekpek raja kucing siyam, salih jadi biyang.
E, adi man raja, i dilatina pinggan perpangan, i cekuhna kudin
perdakanen,”Adi bagenda nge biyang la esah erbiyang” nate raja.
I pekpek raja biyang salih jadi bernawit simbulan. Kiyam bernawit ku teruh. E erburu me biyang sipitu, perburuwi bernawit simbulan. E mgikut me si dilaki si diberu, ngikut me biyang, ngikut me nipe. Kiyam bernawit simbulan ku kerangen Limbur Raja, jumpam ras kayu tenggolen, nangkih bernawit simbulan, nangkih nipe, nangkih biyang, nangkih dilaki, nangkih diberu, salih jadi gutul kayu tenggolan.
I pekpek raja biyang salih jadi bernawit simbulan. Kiyam bernawit ku teruh. E erburu me biyang sipitu, perburuwi bernawit simbulan. E mgikut me si dilaki si diberu, ngikut me biyang, ngikut me nipe. Kiyam bernawit simbulan ku kerangen Limbur Raja, jumpam ras kayu tenggolen, nangkih bernawit simbulan, nangkih nipe, nangkih biyang, nangkih dilaki, nangkih diberu, salih jadi gutul kayu tenggolan.
“O mama” nina siberu Tiyang Manik,
“enda kuakap susur pe la nai dorek, nangkih pe la nai banci”, nina siberu Tiyang Manik.
“enda kuakap susur pe la nai dorek, nangkih pe la nai banci”, nina siberu Tiyang Manik.
E tande me empat berngi, la reh ku rumah anak raja si nu purba, si
diberu ras si dilaki. E daram-daram me kemberahen Tuding si nu Purba, i palu me
gendang, i pasang bedil, i dudu nge kelewat kuta, lalap la jumpa. I baba
gendang ku kerangen Libur Raja, i pasang bedil.
“Kuja nge kam ena erbedil ergendang nande”, nina anak raja Tuding
si nu Purba.
“Kam man daramen ras kela ame” nina nande.
“Kami endam jenda ras kelandu nande, susur la nai banci, nangkih pe la nai dorek, enggo salih jadi gutul kayu tenggolen enda, to me gelah ku rumah ras si malu gendang ena ras si maba bedil ena kerina” nina anak diberu.
“La nai gunana aku ku rumah ame, di la kam ku rumah ras kela, ise dahinku ku rumah?” nina nande.
“Kam man daramen ras kela ame” nina nande.
“Kami endam jenda ras kelandu nande, susur la nai banci, nangkih pe la nai dorek, enggo salih jadi gutul kayu tenggolen enda, to me gelah ku rumah ras si malu gendang ena ras si maba bedil ena kerina” nina anak diberu.
“La nai gunana aku ku rumah ame, di la kam ku rumah ras kela, ise dahinku ku rumah?” nina nande.
“Enggo, kami la nai dorek” nina anak diberu
“Di ola la ku rumah anakku, uga atendu ras kelangku. Natendu legi
sekali nari guru si erbahan ambat tuwah ndube?” nina Nande.
E i legina guru ku taneh Pulo Cimcimen. E reh me guru Pakpak Pertandang Pitu si dalinen, si erciken-ciken tongkat mangalekat, si ersunting-suntingken perminaken ambat tuwah na bolon, si erkadang-kadangken pustaka na jati.
E i legina guru ku taneh Pulo Cimcimen. E reh me guru Pakpak Pertandang Pitu si dalinen, si erciken-ciken tongkat mangalekat, si ersunting-suntingken perminaken ambat tuwah na bolon, si erkadang-kadangken pustaka na jati.
Bersambung
Bagian 5
0 komentar:
Posting Komentar