CERITA RAKYAT KARO "SARINDU TUBUH"
BAGIAN - 3
Dung kampil i bayu, dung uwis i tenun, e dahinam bibina ku
kepultaken.” Enda sada man tudungndu bibi,” nina, bereken sa cabin bekila”
nina, “enda sada kampilndu” nina, “berekan sa man kampil bengkila” nina. Ku
tandai pe kam so pea me” nina. “ duwa kam kune diberu, sada bangku ndube
dilaki, ka mi kepultaken bibi singuda kune ndube ku kesunduten, bapangku ndube
itengah” nina. Tangis Sarindu Tubuh. “aku nge pinter nggelar kam ame” nina, “i
bahan bengkilandu lebe surindu” nina, “gelarndu si Beru Dayang, Si Beru Daya
Minta Raja” nina. Pepukulna ras anakna si Raja Bulan, nina.
Tande me empat berngi, nina, e reh me Raja Si Perkulcapi i
kesunduten nari, Raja Kesunduten, gualna me kulcapi nina, gelar kulcapi si
ulung-ulung. Rulung-ulung me parang mbelin, rulung-ulung anak perana,
rulung-ulung me tuwa-tuwa, rulung-ulung me singuda-nguda, rulung-ulung me
danank-danak nge, erdesap-deso me dareh i Dayang minta Raja, tadingkenna me
amak dabuhen, nina, ngikut me iya ku kesunduten. Seh me i kedunduten i pepukul
ras Raja Perkulcapi.
Seh me uwaluh berngi, i dahi si Raja Bulan guru sibaso, nina “kuga
dengang enda perukur guru”, nina si Raja Bulan kata guru sibaso.”I kapuri belo
salungsang pitu ng kebabah” nina. Suruh guru kuliki mangki-angki embahken belo
salungsang. Kabang kuliki mangki-angki, kabang ku kesunduten. Tengah ertenun si
Dayang iteruh, erkulik-kulik kuliki ibabona, ndabuh belo pitu ngkebabah ku
tenunen e. erdeso-deo dareh si Dayang, i tangtangina tenunenna iteruh, i dahina
si Raja Perkulcapi ku rumah. Tengahna man si Raja Perkulcapi i rumah.
“langlangkenlu lah nakan ena i piring kaka” nina si Beru Dayang, “eltep kam
gelah kuliki si mangki-angki”. I eltepna kuliki si mangki-angki, salih jadi
manuk simbulan, i eltepna erteruknang, i benterna, erdeherna, lalap la dat
manuk simbulan.
Laws ku juma si Beru Dayang. Ku juma iya, erbaba kuran, kiranting
iya, erbaba ndiru, ku lau iya erbaba cuwan nina, ku lesung iya erbaba sekin,
kena si ojar-ojari si Raja Bulan.
“lit sada nari ku eteh ukur,” nina. “laweslah kam kahe,” nina.
“ngelegi turangku si peruru, urang pengeltep si Adu Amang”, berkat me si Raja
Perkulcapikahe. Seh me iya i kerangen Limbu Raja, jumpam ras urang pengeltep.
“ise ngena reh kujenda?” nina urang pengeltep. “Di gelgel menci pe langa enggo
nggarang arah teruhku, kuliki pe la kabang arah boboku,” nina, “enda reh jukut
mbelin man pangan, ken aipuh si mate begu, begundu pe ma nai banci ku rumah,”
nina. “aku pe, mate ngeaku nateku”, nina si Raja Perkulcapi, “i suruuh
turangndu aku ku jenda,” nina, “ngeltep manuk manuk simbulan.”
Nangkeng me ras Raja Perkulcapi si Adu Amang. Seh i gugung si Adu
Amang.
Eltepna manuk simbulan idatas tanduk, i eltepna, kena tubina,
terkupir-kupir simbulan, nngkupirken Bangka kelesa. Eltepna duwa kali nina,
kena takalna, kumuku manuk simbulan. Eltepna telu kali nina, kena kabengna,
nggurpas kenca manuk simbulan. I eltepna empat kali, i eltepna kena nahena
nina, ngkaisken Bangka kelesa, nulpatken nipi sambar nina, nulpatken sin galah
daging, si rance kula, si badat mata, si ngerepat nahe, si ngalungang babah,
lalap la dat manuk simbulan.
Mulih si Adu Amang. Enggo mulih banga kelesa.
“Aku lit sa ku eteh ukur” nina si Beru dayang. “ Marilah ku tengah
lawit. “kabang manuk simbulan arah babona, i cinepina ka kayu si galinggang
raja i tengah lawit. Tudehkenna awih man si Raja Perkulcapi. “ Si nidatas a la
kam giya beluh muwatsa, si niteruh beluh kam erkeneng” nina. “tangtang
bentingndu enda, kujenda kampildu ras pisondu. Tareken awakndu, enta ku
tambatken batu peranggu, maka kam lampas seh i teruh,” tambatkenna batu
peranggu, i dabuhkenna kutengah lawet.
Bersambung
Bagian 4
0 komentar:
Posting Komentar