CERITA RAKYAT KARO " SI LAGA MAN "
BAGIAN - 2
Erlebuh i teruh nari, “O bapa!”, nina bapa, “kai nge ndiya
silih?”, “Bagi sora si Laga Man ku akap”, nina silihna.
“O, bapa! Ija ku cibalken ranting enda ndai?” nina si Laga Man
nungkun.
Tersengget bapana, bukana pintun, idah enggo rongga kerina ibas
kesain, ampekenna kayu ndai ibas turena, ture pe runtuh.
“kugalah e nake! Enggo i babana kayu ndai kerina, enggo ture e pe
runtuh. Mate ningen, labo kepe mate! Nteku ndai mate iya. Kuga denga gelah
ninta taresa!” nina bapana.
“Labo mbiyar silih” nina bengkilana si Laga Man, “aku giya ndilosa
ku rumah”.
“Enggo baba ko kerina ku rumah ranting ndai, ture pe runtuh! Arah
batang kayu enda ko kudas”, nina bengkilana, “niaka ko man”.
I berekenna ngisap. Bapana enggo mbiyar. I katakenna kerina kuta
nastasi dahan dahan kayu. I tastasina kerina jadi ranting.
I kataken bapana, “buwatlah kerbo sada gelah bere man iya, anakku.
Rasken kerina, nasak bengkona, enggo akapna latih, i babana rantingta enda
kerina, gelah e sib ere man”. Enggo tasak, i atur kerina, i dilo si Laga Man
man. “Manken anakku, enggo kam latih”, nina bapana. Keri kerbo sada i panna,
ras bengkau kerina, ras nakan, la nai Kenan sad ape.
I bereken bapana amak, nina, “to medemken ku jamburta”. Lawes iya.
Tunduh, si Laga Man, arih arih kerina bapana ras silihna, ras ginemgemna
kerina. “kugalah perbanta ndiya, arih arih kita kerina”, nina kata ginemgemna.
“Mesera me si akap kerina rukur, bage galangna kayu si tabah kam
ndai ndumpangsa, ibabana ku rumah, emaka ku akap susah rukur”, nina kalak.
“lit kap sada deleng batu galang, pecahken sekali nari iya i
berneh”. “bage, bage” nina bapana, “silih mabaisa ku berneh, kita nguruksa
kerina idas”.
Baba bengkilana si Laga Man ku berneh. Maka erdalin iya ras
bengkilana, teguna sada kambing. Seh i berneh, i tambatkenna kambing.
“Iyani kambingta enda, aku muwat rudang kap idas, ola tadingken
kam, ola kari i pan arimo”, nina bengkilana.
“Lang! ola aku tadingken. Di langa kam reh, labo ku tadingken”,
nina si Laga Man.
Maka seh idas deleng bengkilana, i raskenna ngkuraksa kerina, ras
ginemgem, sada kuta kerina. Enggo me setengah batu idah i kuruk, e maka i
ongkilna.
Melawen akapna reh bengkilana, i lebuh si Laga Man, “Bengkila,
Bengkila,
“Kotip ongkil” nina bengkila, “lit sorana i berneh”. E maka i
kotipna kerina, minter erdelang batu si ndai. E maka i dumpangna si Laga Man,
pelnat!.
Ku rumah kalak kerina, siyakap latih kerina. “buwat sada lembu bahan
bengkauta”, nina bapa si Laga Man, maka i buwatna, i pantemna, deba erdakan,
deba nutungsa. E maka tasak kerina, minter man kerina.
“ateku min enggo mate si Laga Man, i dumping batu ndai, meganjang
kali das deleng nari”, nina bapa.
Latih siyakap kerina. Enggo man, ngisap kerina lawes ku rumah,
sidahi rumahna. Sitik nari enggo ben.
Maka danak-danak medem, sintuwa-sintuwa ercakap denga kerina. E
maka ercakap ije kerina, reh si Laga Man maka i babana batu si galang ndai, i
jujungna.
Bersambung
Bagian 3
0 komentar:
Posting Komentar