CERITA RAKYAT KARO " SI LAGA MAN "
BAGIAN - 1
Maka sekali lit bapa. Tubuh anakna, tapi mate rusur. Jadi anakna
sada i gelarina si Laga Man, maka pet man nina.
I ukatna nakan senukat, mintes keri. “Enggo nggeluh anakta enda!”.
Pepagina i ukatna duwa nukat, e pe langnga besur, eenggo keri.
Maka enggo keri empat nukat, segantang, setumba, duwa tumba, empat
tumba, senalih, langa besur si Laga Man.
“La nai terasuhi anakta enda kuakap”, nina bapana, “enggo keri
nakan senalih.
I sulang sekali, i panteni sekali babi, i bereken, sisada iya
manca i berekenna. E pe keri, ras babi ras nakan, la nai Kenan bapana. “Bage
giya, gelah lampas mbelin anakku”.
Gelgel i – buatna sekali nari lembu, raskenna kerina sekali iya
nutungsa lembu, ras seninana. Enggo tasak, dilona anakna i berekenna, i panna
bengkau ndai, keri kerina, lembu ras nakan, la nai Kenan bapana ras nandena.
“La nai terasuhi kita, asakai terbuat kita, i panna keri”, nina
bapana.
Lawes iya ku kerangen, lawes iya duwana, ras anakna. “ Ije ko
kundul,ngiyani kampilta e, ola bene, ola ko lawes lawes.
I tabah bapa kayu buwab, i usur-usurna, langnga mbulak sada uwari.
“Ota, ankku, ku rumah, ben me”.
Tempiua, lawes iya, man kai
rumah, medem iya. Arih-arih bapa Laga Man ras tukurmasna, “Ndai ku tabah
kayu buwah si galang e, langnga ndai mbulak, untungna langa mate, pepagi retap
buwak ndai ku tabah, si bunuh anakta enda ndai”.
“Bunuh” nina diberuna. “pepagi lampas dage kam erdakan”. “uwe”
nina. Pepagina man ka. “Ota, tempi kampilta e”, nina bapa, “gelah tabah buwah
ndai mahan ranting”. Enggo ka iya seh ibas inganna ndube, nina bapa, “Ije kam
kundulken ngiyani kampilta e, ola ko lawes, labo mbiyar, idas uruk uruk e nge
aku, ola ko kari mbiyar”.
“Kai pe labo aku mbiar bapa” nina si Laga Man. “Bage me dag endo
ku usur-usur kayu ndai tabah, e maka mbulak”.
Ben me matawari, mbulak kayu, enggo i dumpangna si Laga Man, mane
teridah pe. “Enggo me mate si Laga Man” nate bapa. “Enggo mate anakku e, ras
seninana ndube” nina bapa.
Lawes iya ku rumah. “Enggo mate anakta ndai nake”, nina bapa.
“Legi manuk kuteruh, geleh empat ah”. E maka i legina.
“Enda manuk ndai” nina diberuna. I lebuh silihna arah jabu
kenjahe. “kai silih” nina. “Gelehi manuk endda, enggo mate permainndu si Laga
Man. “uwe” nina. I gelehina manuk ndai kerina.
Sangana enggo dung, i katakenna, “kekeken lebe silih! Man ita”.
Man iya kerina.
I ukat nakan, man kerina ras silihna, ras turangna. I dabuhken
turangna nakan kuteruh karang. Sinipukul, ras bengko manuk.
Enggo kerina elah man, “ndi, ngisapken silih! Kuga kin banci bahan
pengindota kin nge silihku”, nina bengkila si Laga Man. Ngisap iya. Ndi
kampilndu ndai silih” nina Bapa.
Bersambung
Bagian 2
0 komentar:
Posting Komentar